Ríkir gott siðferði í íþróttum? - Ráðstefna 4. nóvember

Laugardaginn 4. nóvember kl. 10:00 - 13:00 í Öskju, stofu 132, stendur Siðfræðistofun fyrir ráðstefnu um siðferði og íþróttir sem ber yfirskriftina "Ríkir gott siðferði í íþróttum?"

Þótt íþróttir tengist gjarnan ánægjulegum og eftirsóknarverðum eiginleikum þá er líka margt gagnrýnivert í íþróttum. Áhrif peninga og lyfja í heimi íþróttanna hafa stóraukist og viljinn til að sigra í leik og keppni freistar margra til að hafa rangt við. Einnig hafa spillingarmál ítrekað komið upp innan íþróttahreyfinga. Felur sannur „íþróttaandi“ í sér einhver siðferðileg gildi og er réttmætt að gera þá kröfu til íþróttamanna að þeir séu fyrirmyndir? Þetta eru meðal þeirra spurninga sem ræddar verða á ráðstefnunni „Ríkir gott siðferði í íþróttum?“.

Jón Atli Benediktsson, háskólarektor, mun setja ráðstefnuna og Guðni Th. Jóhannesson, forseti Íslands, ávarpa samkomuna. Síðan flytja þau Vilhjálmur Árnason, prófessor í heimspeki, Sabína Halldórsdóttir, verkefnisstjóri UMFÍ, og Guðmundur Sæmundsson fv. aðjunkt MVS, framsögur um tengsl íþrótta og siðferðis. Að loknum framsögum mun fólk úr íþróttahreyfingunni ræða um efnið í pallborði. Ráðstefnustjórar eru Samúel Örn Erlingsson, fv. íþróttafréttamaður og Vanda Sigurgeirsdóttir, lektor.

 
Dagskrá ráðstefnunnar má nálgast hér
Þú ert að nota: brimir.rhi.hi.is