Ný útgáfa: Íslenskt lýðræði. Starfsvenjur, gildi og skilningur - Kynning á ársfundi 25. janúar

Íslenskt lýðræði. Starfsvenjur, gildi og skilningur

Kastljósinu er beint að starfsháttum og stefnumótun í stjórnmálum og færð rök fyrir því að brýnt sé að styrkja lýðræðislegar stofnanir og bæta stjórnsiði í ljósi hugmynda rökræðulýðræðis. Í bókinni fléttast saman heimspekileg hugtakagreining, sagnfræðileg rýni og félagsvísindalegar athuganir. Þessi aðferð, ásamt því að skoða lýðræði út frá vinnubrögðum og stjórnsiðum fremur en þátttöku borgaranna, er nýmæli í rannsóknum á íslensku lýðræði eftir hrun.

 

Á ársfundi Siðfræðistofunar föstudaginn 25. janúar kl 15 í Háskóla Íslands - Odda 101 verður bókin kynnt.

Höfundar segja stuttlega frá efni einstakra kafla:

  • Vilhjálmur Árnason: Greining á íslensku lýðræði. Um rannsóknarverkefnið
  • Ragnheiður Kristjánsdóttir: Lýðræðisbyltingin – á Bessastöðum
  • Salvör Nordal: Þjóðaratkvæðagreiðslur, forsetaembættið og stjórnarskráin
  • Guðmundur Jónsson: Lýðræðishugmyndir almennings fram að fjármálakreppunni
  • Gunnar Helgi Kristinsson: Sérstaða íslensks þingræðis
  • Sigurbjörg Sigurgeirsdóttir: Hugmyndin um eflingu þingeftirlits 
  • Þorbjörn Broddason og Ragnar Karlsson: Íslenska fjölmiðlakerfið
  • Henry Alexander Henrysson: Hvað ætti að einkenna íslenskt lýðræði?

Að loknum framsögum höfunda verða pallborðsumræður um íslenskt lýðræði með þátttöku nokkurra íslenskra stjórnmálamanna. Þátttakendur: Birgir Ármannsson, Bjarkey Gunnarsdóttir, Hanna Katrín Friðriksson og Helgi Hrafn Gunnarsson. Pallborðinu stýrir Ólafur Þ. Harðarson, prófessor í stjórnmálafræði. 

Þú ert að nota: brimir.rhi.hi.is