Upptökur frá ráðstefnunni "Ríkir gott siðferði í íþróttum?"


 

Laugardaginn 4. nóvember kl. 10:00 - 13:00 í Öskju, stofu 132, stóð Siðfræðistofun fyrir ráðstefnu um siðferði og íþróttir sem bar yfirskriftina "Ríkir gott siðferði í íþróttum?"

Þótt íþróttir tengist gjarnan ánægjulegum og eftirsóknarverðum eiginleikum þá er líka margt gagnrýnivert í íþróttum. Áhrif peninga og lyfja í heimi íþróttanna hafa stóraukist og viljinn til að sigra í leik og keppni freistar margra til að hafa rangt við. Einnig hafa spillingarmál ítrekað komið upp innan íþróttahreyfinga. Felur sannur „íþróttaandi“ í sér einhver siðferðileg gildi og er réttmætt að gera þá kröfu til íþróttamanna að þeir séu fyrirmyndir? Þetta eru meðal þeirra spurninga sem ræddar voru á ráðstefnunni „Ríkir gott siðferði í íþróttum?“.

Jón Atli Benediktsson, háskólarektor, setti ráðstefnuna og Guðni Th. Jóhannesson, forseti Íslands, ávarpaði samkomuna. Síðan fluttu þau Vilhjálmur Árnason, prófessor í heimspeki, Sabína Halldórsdóttir, verkefnisstjóri UMFÍ, og Guðmundur Sæmundsson fv. aðjunkt MVS, framsögur um tengsl íþrótta og siðferðis. Að loknum framsögum ræddi fólk úr íþróttahreyfingunni um efnið í pallborði. Ráðstefnustjórar voru Samúel Örn Erlingsson, fv. íþróttafréttamaður og Vanda Sigurgeirsdóttir, lektor.


Jón Atli Benediktsson - Setning

 

Guðni Th. Jóhannesson - Ávarp

 

Vilhjálmur Árnason - Siðfræði, siðferði, íþróttir

 

Sabína Steinunn Halldórsdóttir - Sýnum karakter

 

Guðmundur Sæmundsson - Afstaða almennings til íþróttasiðferðis

 

Panelsamræður um siðferði í íþróttum

 

Bryndís Valsdóttir - Samantekt umræðna og ráðstefnuslit

Þú ert að nota: brimir.rhi.hi.is