Upptökur frá hádegisfundinum "Peninn eða sverðið? - Er tjáningafrelsið í hættu?"

Þriðjudaginn 20. janúar 2015 stóðu Siðfræðistofnun og Fjölmiðlanefnd fyrir hádegisfundi undir yfirskriftinni "Penninn eða sverðið? - Er tjáningafrelsið í hættu?"

Ræddar voru ýmsar spurningar í tengslum við tjáningafrelsið og árásirnar á tímaritið Charlie Hebdo s.s. Er penninn máttugri en sverðið? Hverjar eru mögulegar ástæður voðaverkanna á ritstjórnarskrifstofum Charlie Hebdo? Af hverju er myndbirtingabann í islam? Hvaða áhrif geta voðaverkin haft á tjáningarfrelsi okkar og önnur mannréttindi? Er tjáningarfrelsið aðeins mikilvægt á tyllidögum?

Frummælendur voru þau Róbert H. Haraldsson, prófessor í heimspeki, Elfa Ýr Gylfadóttir, framkvæmdastjóri fjölmiðlanefndar og Þórir Jónsson Hraundal sagnfræðingur. 

Að framsögum loknum voru ýmsar fyrirspurnir og almennar umræður.

Fundarstjóri var Salvör Nordal forstöðumaður Siðfræðistofnunar HÍ og nefndarmaður í fjölmiðlanefnd.

 

Myndir af Múhameð, voðaverk og viðbrögð Vesturlanda - Þórir Jónsson

Þórir Jónsson Hraundal talar um bakgrunn myndbirtingabanns í islam, ýmsar algengar hugmyndir Vesturlandabúa um múslima og trú þeirra, og veltir upp nokkrum spurningum um mögulegar undirliggjandi ástæður voðaverkanna í París.

 

Er tjáningafrelsið aðeins mikilvægt á tyllidögum? - Elfa Ýr Gylfadóttir

Elfa Ýr Gylfadóttir fjallar um hvaða áhrif voðaverkin í París geti haft á tjáningarfrelsi og borgaraleg réttindi á Vesturlöndum. Elfa Ýr fjallar jafnframt um hvað beri að varast og leggur áherslu á að tjáningarfrelsi eru réttindi sem við höfum aflað okkur á löngum tíma og þau þurfi að verja og vernda.

 

Málfrelsi en... - Róbert H. Haraldsson

Róbert H. Haraldsson fjallar um tjáningarfrelsið og mörk þess í heimspekilegu samhengi og rétt einstaklingsins til að hugsa frjálslega og tjá hugsanir sínar óþvingað og óttalaust. Róbert fjallar sérstaklega um tjáningarfrelsið í tengslum við birtingu trúarlegra skopmynda í Jyllands-Posten og í tímaritinu Charlie Hebdo.

Þú ert að nota: brimir.rhi.hi.is